殯儀公司｜香港葬儀社 ── 專業殯儀統籌一站式服務
香港葬儀社是 Paradise Group 旗下專業殯儀統籌品牌，由專業殯儀顧問接洽、諮詢到告別儀式全程跟進，收費明碼實價。客戶來自香港及海外各地， 可以粵語、普通話、英語、日語及印尼語等語言溝通。
剛失去至親，大部份家屬都感到迷網。在經歷傷痛同時， 亦想盡快為先人辦理各種身後。坊間殯儀公司質素參差、收費欠透明，消費者委員會曾調查發現同類套餐收費差異可達數倍。以下內容從消費者角度出發，幫家屬了解點樣揀一間值得信賴嘅殯儀公司，同時列出香港葬儀社嘅服務範圍及收費，方便家屬比較參考。
服務時間：24 小時專人跟進｜辦公室：灣仔中國華融大廈 及 紅磡寶利大樓。
點樣揀殯儀公司？五個關鍵準則
家屬通常會從不同途徑接觸到各殯儀服務嘅資訊。做決定之前，不妨參考以下五個準則:
準則一：確認持牌殮葬商資格
根據香港法例，任何從事承辦火葬或埋葬人類遺體嘅業務，必須持有食環署發出嘅殮葬商牌照。全港現時有約 125 間持牌殮葬商，其中 7 間同時持有殯儀館牌照。朋友可以喺食環署網站查閱持牌名單，核實殯儀公司嘅牌照狀態。
溫馨提示：醫院同公眾殮房外常有殯儀經紀主動接觸家屬。記得妥善保管先人嘅身份證及死亡證明文件，切勿隨便將重要文件交予他人。
準則二：收費透明、報價清晰
消費者委員會調查指出，殯儀業收費透明度偏低，來自同一公司不同營業員所提供嘅報價可能不同。揀殯儀公司時，應要求對方提供逐項列明嘅書面報價單，包括：
- 基本服務費（遺體接運、文件代辦、靈堂佈置）
- 棺木及壽衣費用
- 殯儀館場地租金（如適用）
- 宗教儀式費用（法事、高僧誦經、喃嘸師傅等）
- 額外收費項目（花牌、訃文、禮生超時費等）
準則三：宗教儀式經驗
香港喪禮涵蓋多種宗教傳統──佛教、道教、基督教、天主教，以至無宗教儀式。每種儀式嘅流程、禮節同禁忌各有不同。揀殯儀公司時，應確認佢哋有處理相關宗教儀式嘅實際經驗，包括能否協調合適嘅高僧、喃嘸師傅或牧師。
準則四：售後跟進服務
喪禮完結唔代表所有手續已辦妥。火化後仍需處理骨灰安放、龕位申請、紀念碑安裝等事宜。可靠嘅殯儀公司會提供喪禮後跟進服務，協助家屬處理後續安排，而唔係「做完就算」。
準則五：口碑同回應速度
親友推薦係最直接嘅參考。如果身邊無人有經驗，可以留意殯儀公司嘅回應速度──喺最需要幫助嗰刻，能否即時聯繫到專人，反映公司嘅服務態度同專業程度。
消費者保障清單──避開殯儀服務常見陷阱
消費者委員會曾就 20 間殯儀服務商收集資料，發現 48 個套餐嘅內容同收費參差。以下整理常見收費陷阱，供家屬參考。
消費者保障清單──避開殯儀服務常見陷阱
留意隱藏收費
- 套餐以外嘅額外收費：部分套餐唔包括殯儀館廳堂租金、棺木升級費、宗教儀式費，加埋隨時貴過套餐本身
- 報價不一致：同一公司、不同營業員嘅報價可能有出入，務必索取書面報價
- 禮儀師超時費：聘用禮儀師每小時約 HK$130 至 HK$500 不等
- 遺體暫存費：2026 年起，公立醫院殮房首 3 日免費，第 4 日起每日 HK$100，第 18 日起每日 HK$200，第 34 日後每日 HK$550
訂金同合約須知
- 訂金一般由 HK$1,000 至 HK$5,000，或總收費嘅 10% 至 50%
- 簽署「委託書」即代表正式委託，如要改租更大嘅殯儀館房間需再加付租金
- 簽約前應仔細閱讀條款，確認取消及退款政策
建議：想做個精明嘅消費者，最好向多幾間殯儀公司格價。索取書面報價、逐一核對各服務收費選項，比較後再委託。
核實殯儀公司牌照
持牌殮葬商分兩類：
- 殯儀館牌照（全港 7 間）：設有遺體停放設施、出殯禮堂及棺木陳列室
- 殮葬商牌照（約 118 間）：俗稱「長生店」，無殮房同禮堂設施，主要承辦遺體埋葬相關工作
無論揀邊間，都應該喺食環署持牌殮葬商名單（PDF）核實牌照。
殯儀服務比較──揀殯儀公司前要知嘅四大範疇
唔同殯儀公司嘅服務範圍有所不同。以下從四個範疇整理常見服務，方便朋友逐項比較。
| 範疇 | 應包含嘅服務項目 | 葬儀社提供 |
|---|---|---|
| 基本服務 | 遺體接運（醫院/住所） | ✔ |
| 潔體、化妝、更衣 | ✔ | |
| 死亡證、火化爐申請等文件代辦 | ✔ | |
| 棺木及壽衣 | ✔ | |
| 宗教儀式 | 佛教（高僧誦經、助念） | ✔ |
| 道教（喃嘸師傅、破地獄、過金銀橋） | ✔ | |
| 基督教／天主教（牧師協調、教堂安排） | ✔ | |
| 無宗教儀式 | ✔ | |
| 場地安排 | 醫院/殮房出殯 | ✔ |
| 殯儀館出殯 | ✔ | |
| 教堂出殯 | ✔ | |
| 售後跟進 | 火化安排及骨灰領取 | ✔ |
| 骨灰龕位申請協助 | ✔ | |
| 綠色殯葬（花園撒灰/海上撒灰） | ✔ | |
| 遺體/骨灰海外運送 | ✔ |
香港葬儀社覆蓋以上全部服務範疇，由院出到綠色殯葬均有對應套餐。如需了解各套餐詳情，可參考2026 殯儀套餐一覽表。
殯儀公司收費──香港葬儀社明碼實價
以下係香港葬儀社嘅主要服務收費，所有價錢均公開刊載於網站，絕無隱藏收費。
院出殯儀服務收費
適合希望簡化儀式、親友人數較少嘅朋友。喪禮直接喺醫院或公眾殮房進行，毋須租用殯儀館。
| 儀式類型 | 院出價錢 |
|---|---|
| 無宗教（維新） | HK$13,800 |
| 基督教 | HK$16,800 |
| 天主教 | HK$16,800 |
| 佛教 | HK$17,800 |
| 道教 | HK$17,800 |
殯儀館出殯服務收費
適合希望喺殯儀館或教堂舉行正式告別儀式嘅家屬，場地較寬敞，可容納更多親友。
| 儀式類型 | 殯儀館/教堂價錢 |
|---|---|
| 基督教（殯儀館） | HK$25,000 |
| 天主教（殯儀館） | HK$25,000 |
| 基督教（教堂） | HK$25,000 至 HK$29,800 |
| 天主教（教堂） | HK$29,800 |
| 道教（殯儀館） | HK$33,800 |
| 佛教（殯儀館） | HK$36,800 |
綠色殯葬收費
| 服務 | 全包價 |
|---|---|
| 紀念花園撒灰 | HK$4,800 |
| 海上撒灰（私人遊艇） | HK$12,800 |
殯儀公司服務流程──由首次聯絡到喪禮完結
以下係香港葬儀社嘅標準服務流程，每個環節均有專人跟進，申請人唔需要逐樣自己處理。
① 首次聯絡及諮詢
致電或 WhatsApp 聯絡葬儀社，殯儀顧問會了解基本情況（先人所在位置、宗教需要、初步預算），並以申請人最熟悉嘅語言溝通。24 小時均有專人接聽。
② 文件代辦
葬儀社代為處理死亡登記、申領死亡證、預訂火化爐等政府手續。申請人只需提供先人身份證及相關文件副本。
③ 遺體接運及處理
專業團隊安排遺體接運（醫院、住所或殮房），進行潔體、化妝、更衣，以整潔得體嘅靈車將先人送到出殯地點。
④ 喪禮安排及儀式
根據家屬選擇嘅宗教儀式（佛教、道教、基督教、天主教或無宗教），協調場地、宗教人士及所有喪禮細節。靈堂佈置、花牌安排一併處理。
⑤ 出殯當日
由禮儀師全程引導家屬及親友完成告別儀式，送先人最後一程。之後安排靈車前往火葬場或墓地。
⑥ 火化及骨灰安排
⑦ 售後跟進
喪禮後繼續協助處理紀念碑安裝、提醒龕位續期等事宜。如需安排追思會，亦可另行商討安排。
點解揀香港葬儀社？
Paradise Group 旗下品牌
隸屬 Paradise Group，與旗下持牌殮葬商緊密協作，由統籌、報價、文件代辦到全程跟進。
10 年以上殯儀經驗
辦理各類宗教喪禮方面有豐富經驗，涵蓋佛教、道教、基督教、天主教及無宗教儀式。
五種語言服務
提供粵語、普通話、英語、日語及印尼語服務，服務唔同語言嘅客戶。
明碼實價
所有收費公開刊載於網站，院出服務由 HK$13,800 起，絕無隱藏收費。
辦公室地址
- 灣仔：香港灣仔告士打道 60 號中國華融大廈
- 紅磡：九龍紅磡寶其利街寶利大樓地下
服務範圍覆蓋港九新界，24 小時熱線專人接聽。
常見問題
殯儀公司邊間好？點樣揀？+
揀殯儀公司應留意五個要點：（1）確認持有食環署殮葬商牌照；（2）要求逐項列明嘅書面報價，避免隱藏收費；（3）確認有處理相關宗教儀式嘅經驗；（4）了解喪禮後跟進服務範圍；（5）留意回應速度及口碑。建議問多幾間格價再做決定。
殯儀公司收費大約幾錢？+
視乎儀式類型同場地選擇。院出殯儀服務一般由 HK$12,000 至 HK$18,000 起；殯儀館出殯由 HK$25,000 起；道教或佛教殯儀館出殯由 HK$33,800 至 HK$36,800。費用主要受場地租金、宗教儀式規模及棺木選擇影響。
殯儀公司需要持牌嗎？+
根據香港法例，從事承辦火葬或埋葬人類遺體嘅業務必須持有食環署發出嘅殮葬商牌照。全港約有 125 間持牌殮葬商，其中 7 間同時持有殯儀館牌照。朋友可以喺食環署網站查閱持牌名單。
親人離世後第一步應該點做？+
如先人喺醫院離世，醫院會發出臨時死因醫學證明書。之後需要到入境事務處辦理死亡登記。建議盡早聯絡殯儀公司，由專人協助處理文件申請、預訂火化爐及安排喪禮，減輕家屬負擔。
院出同殯儀館出殯有分別嗎？+
院出係指直接喺醫院或公眾殮房進行簡單告別儀式，費用較低，適合希望簡化安排嘅朋友。殯儀館出殯則喺專用禮堂舉行，場地較寬敞，可容納較多親友，亦適合進行較傳統規模嘅宗教儀式。
殯儀服務可以用其他語言溝通嗎？+
香港葬儀社提供粵語、普通話、英語、日語及印尼語五種語言嘅服務。殯儀顧問會以申請人最熟悉嘅語言溝通，確保每個環節清楚明白。
喪禮後骨灰有哪些安排選擇？+
主要有三種選擇：（1）申請公營或私營骨灰龕位安放；（2）綠色殯葬──喺紀念花園撒灰（HK$4,800 全包）或海上撒灰（HK$12,800 全包）；（3）將骨灰運送至海外。葬儀社可以協助處理以上全部安排。
殯儀套餐通常包括哪些項目？+
基本殯儀套餐一般包括：遺體接運、潔體化妝更衣、棺木壽衣、靈堂佈置、文件代辦（死亡證、火化爐預訂）、靈車服務。部分套餐另外包含宗教儀式安排。比較套餐時應逐一核對各服務收費選項，確認有無額外收費。
經濟困難可以申請殯葬津貼嗎？+
合資格嘅朋友可以向社工查詢殮葬費津貼。政府紀念花園嘅撒灰服務亦係免費，海上撒灰政府渡輪同樣免費。如經濟能力有限，院出殯儀服務費用相對較低，亦可考慮綠色殯葬方案。
免費諮詢──24 小時專人跟進
如需了解殯儀服務收費或安排喪禮，歡迎隨時聯絡香港葬儀社。殯儀顧問會以朋友最熟悉嘅語言，逐步引導處理所有手續。
